वुमेन्स एरा एण्ड मिडिया ग्रुप नेपालद्धारा आयोजित “हिमालय ईन्टरनेशनल अवार्ड २०२१” चर्चित मोडल तथा नायिका आशा भुषालले प्राप्त गर्न सफल भएकी छिन् । यस अवार्डमा नेपाली कथानक चलचित्र समर्पणबाट अवार्ड प्राप्त गरेकी हुन् । उनले चलचित्र नायिकाको जुरी तर्फबाट अवार्ड प्राप्त गरेकी हुन् । उनी बिगत लामो समय देखी यस क्षेत्रमा संघर्षरत छिन् । आशा भुषालले दर्जनौ म्युजिक भिडियो र धेरै चलचित्रमा अभिनय गरिसकेकी छिन् ।
आशा भुषाल सुनौलो नेपालबाट डेब्यु गरेकी नायिका हुन् । केही समय आफ्नो घरायसी ब्यस्तताले गर्दा अफर आउदा पनि रिजेक्ट गरेकी आशा भुषालले अब अभिनय यात्रालाई निरन्तरता दिने सोंच बनाएको उनी बताउछिन् ।
नेपाली कथानक चलचित्र सुनपानी सहित आधा दर्जन नेपाली चलचित्र अनि ४ वटा भोजपुरी चलचित्र र दर्जनौ म्युजिक भिडियोमा अभिनय गरेकी नायिका तथा मोडल हुन् आशा भुषाल । उनी सानै देखी नाच्ने अभिनय गर्नेमा रुची राख्ने गर्थिन ।
यस क्षेत्रमा प्रवेश गर्ने उनको ईच्छालाई घरपरिवारले साथ सहयोग गरी पुरा गरिदिएको उनि बताउछिन् । हालः सम्म उनले ४ वटा भोजपुरी मुभी, नेपाली कथानक चलचित्र दुश्मनी, लभ ईज लाईभ, बबाल, सुनपानी, समपर्ण र अहिले नयाँ मुभी झिङ्गे दाउ र अभिनय गरिसकेकी छिन् ।
केही बर्ष उनले आफ्नो पारिवारिक कारणले चलचित्र अनि म्युजिक भिडियोबाट ब्रेक गरेकी र पछिल्लो समय अभिनय यात्रालाई निरन्तरता दिएकी हुन् । हिमालय ईन्टरनेशनल अवार्ड २०२१ जित्न सफल भएकोमा आशा भुषाललाई हाम्रो तर्फबाट बधाई एबं सफलताको लागी शुभकामना ब्यक्त गर्दछौ ।
