प्रकाश बराईली “अभिब्यक्ति”
काठमाडौं, नेपाल

राष्ट्रिय लोक तथा दोहोरी गीत प्रतिष्ठान नेपाल उपत्यका समन्वय नयाँ बसपार्क समितीद्धारा पुस २४ गतेका दिन आयोजित “प्रथम संस्थागत पुरुष तथा महिला ब्याटमिन्टन प्रतियोगिता” को टाईसिट सार्वजनिक भएको छ । प्रथम संस्थागत पुरुष तथा महिला ब्याटमिन्टन प्रतियोगिता सोही समितीका अध्यक्ष अञ्चल शाहीको अध्यक्षता र केन्द्रिय अध्यक्ष रमेश बिजीको प्रमुख आतिथ्यतामा सम्पन्न हुने भएको छ ।

यस प्रतियोगिता अध्यक्ष अञ्चल शाहीको परिकल्पनामा आयोजना गरिएको हो । सो प्रतियोगिता पुस २४ गते मनमैजु स्थित G4 स्पोट हलमा बिहान ११ः३० बजे देखी सुरु हुने कुरा आयोजक पक्षले जनाएको छ । यस प्रतियोगितामा चर्चित कलाकारहरु बिच प्रतिस्पर्धा हुने भएको छ । प्रथम संस्थागत पुरुष तथा महिला ब्याटमिन्टन प्रतियोगिता सफल बनाउन सहयोग आउने क्रम जारी छ ।

प्रतियोगिता सफल बनाउन आर्थिक, नैतिक, भौतिक रुपमा सहयोग गर्ने सहयोगीदाता र बिभिन्न संघ संस्थाहरु प्रति आभार प्रकट गर्दै प्रतियोगितालाई सभ्य अनि भब्य रुपले सफल बनाईदिनका लागी अध्यक्ष अञ्चल शाहीले अनुरोध गरेका छन् । “प्रथम संस्थागत पुरुष तथा महिला ब्याटमिन्टन प्रतियोगिता” मा को को कलाकारहरु भिड्दै छन् त ? थाहा पाउनुहोस । आयोजक पक्षले पठाएको टाईसिट जस्ताको त्यस्तै प्रस्तुत छ ।