नेपालमा रहँदा ६० भन्दा धेरै गीतहरुको रचना गरेर चर्चामा रहेकी गीतकार तथा गायिका सन्ध्या के.सी. पछिल्लो समयमा युरोपमा गएर टेलिसिरियलमा अभिनय गर्नमा व्यस्त रहेकी छिन् ।

लमजुङ हुँदै लामो समय काठमाडौं बसाइको क्रममा उनी नेपाली गीति लेखन तथा गायनमा समेत रहेकी सन्ध्या केही समय अघिदेखि युरोपमा रहेर आफ्नो कलाकारितालाई पनि निरन्तरता दिएकी छिन् । सन्तोष बरालको परिकल्पना, लेखन र निर्देशन रहेको डवल रोल नामक टेलिसिरियल मार्फत उनी फेरि नेपाली कलाकारिताको अभिनय विधालाई अघि बढाउन लागेकी हुन् ।

जुन सिरियलमा उनी लगायत सन्तोष बराल, सुजु गौतम, अम्विका फुयाँल, आर. एन. श्रमजिवी, राम भण्डारी, हेमराज सुवेदी, सुष्मिता मैनाली, नारायण थापा, सुमधुर के.सी., वविता पाण्डे, सान्मा शर्मा, सिहान पौडेल र श्रमण श्रेष्ठको अभिनय रहेको छ ।

प्रदेशमा रहेपनि आफ्नो देशको कला संस्कृतिलाई भने उनले विर्सन सकेकी छैनन् । त्यसैले त आफ्नो व्यवशाय र जागिरको अलावा कलाकारितालाई पनि आफ्नो कर्म बनाएको उनले बताउँछिन् । उनले अभिनय गरेको भिडियो हेर्नका लागी तलको लिंक क्लिक गर्नुहोला ।

https://www.youtube.com/watch?v=idEq7TdAMGo&feature=share