प्रकाश बराईली अभिब्यक्ति
काठमाडौं, नेपाल
विश्वको महामारीको रुपमा रहेका (कोभिड १९) कोरोना भाईरसले यतीबेला नेपालमा पनि धेरै ब्यक्तिहरुलाई दैनिक हात मुख जोड्न गाह्रो भएको छ । जस मध्य मजदुरहरु त झनै मर्कामा परेका छन् । साथै स्टेज कार्यक्रममा हिडेर जिविकोपार्जज गर्ने कलाकारहरु पनि मर्कामा परेका छन् । कोरोना भाईरसको महामारीले गर्दा स्टेज कार्याक्रमहरु पनि बन्द भएका छन् ।
अब सांगीतीक क्षेत्र कतातिर लम्किने हो कस्तो हुने हो थाहा छैन । यस प्रति सरकारले कुनै चासो देखाएको छैन । सरकारले त चुनावको बेला कलाकारहरुलाई प्रचारप्रसारको लागी मात्र प्रयोग गरेको पाईन्छ । भनिन्छ नि चाईदाको भाँडो नचाईदाको ठाँडो त्यस्तै गरेको छ सरकार । कलाकार राष्ट्रका गहना हुन् भन्छ । हुन पनि हो कलाकार राष्ट्रका गहना हुन् । किनकी गहना त चाहिदा लगाउने नचाहिदा झिकेर राख्ने गर्न मिल्छ । गहना त धितो राख्न पनि मिल्छ । सरकारले कलाकारलाई त्यस्तै गरेको छ ।
कलाकारलाई गहना है राष्ट्रको सम्पती सरह बनाउनुपर्छ । लकडाउनको बेला सरकारले गर्नुपर्ने काम बिभिन्न संघ संस्था र समाजसेबी ब्यक्तित्वहरुले गरिरहेका छन् । लकडाउनपछिको समयलाई मध्यनजर गर्दै विश्वकर्मा कलाकार समाज, नेपालले आपतकालिन कलाकार राहत कोषको स्थापना गरेको छ ।
यस कोषको स्थापना सोही संस्थाका उपाध्यक्ष राजन भुजेल विश्वकर्माले रु ७्र१५५ /- सहयोग गरी सुरु भएको हो भने सोही संस्थाका अध्यक्ष कृष्ण आँशु विश्वकर्माले राजन भुजेल विश्वकर्माको अभियानलाई समर्थन गर्दै रु ५०००/- सहयोग गरेका छन् । साथै चर्चित निर्दैशक एबं मोडल, सोही सस्थाका बरिष्ठ उपाध्यक्ष शंकर बिसीले आफ्नो जन्मदिको दिनमा राम्ररी जन्मदिन मनाउन नपाएकोमा दुख ब्यक्त गर्दै यस कोषमा सहयोग गर्ने प्रतिबद्धता जनाएका छन् ।
यस बर्ष कोहोलपुर तिरै क्वारेनटाईनमा जन्मदिन मनाउने कुरा शंकर बिसीले जानकारी दिएका छन् । साथै जन्मदिनको अवसरमा बिभिन्न माध्यम तथा सामाजिक सञ्जालमा शुभकामना दिनेहरु प्रति आभार प्रकट गर्नुका साथै लकडाउनपछि काठमाडौं आएपछि सबै सँग भेटघाट गर्ने कुरा शंकर बिसीले जनाएका छन् । शंकर बिसी भन्छन् “आफु कोहोलपुर भएतापनि काठमाडौंमा मन छ ।” आपतकालिन कलाकार राहत कोषलाई अगाडी बढाउन सबैले सहयोग गरिदिनुहुन कृष्ण आँशु , राजन भुजेल बिश्वकर्मा र शंकर बिसीले अनुरोध गरेका छन् ।
