साउन २५ गते बिश्वकर्मा सुनचाँदी ब्यवसायी सञ्जाल र BG ANT GROUP LTD. को आयोजनामा ३ नं. प्रदेशको बृहत भेला तथा साँकृतिक कार्यक्रम सम्पन्न भएको छ । नेपालका बिश्वकर्मा सुनचाँदी ब्यवसायीहरुलाई एकिकृत गर्ने उदेश्यले स्थापित यस संस्था बिश्वकर्मा सुनचाँदी ब्यवसायी सञ्जालद्धारा आयोजित यस कार्यक्रममा प्रमुख अतिथी सोहस् संस्थाका अध्यक्ष रामप्रसाद लकान्द्री, प्रमुख अतिथी माननिय युवा तथा खेलकुद मन्त्रि जगत बिश्वकर्मा, अतिथी नेपा राष्ट्रिय दलित समाज कल्याण संघका केन्द्रिय अध्यक्ष त्रिलोक चन्द बिश्वास बिक, भोजमान लामगादे, कुलेन्द्र बिक, सुजन बराईली, प्रकाश सपुत, रबि ओड, हेमन्त कान्छा रसाईली लगायत धेरै अतिथी र कलाकारहरु रहेका थिए ।

कार्यक्रममा गायकहरु राजन भुजेश बिश्वकर्मा, कुलेन्द्र बिक, प्रकाश सपुत, रबि ओड लगायत सुनचाँदी ब्यवसायीहरुलाई सम्मान गरिएको थियो । रुपा सुनारको सञ्चालन रहेको कार्यक्रममा ब्यवस्थापन संयोजक राजन भुजेल बिश्वकर्मा, मिडिया ब्यवस्थापन समन्वय सहयोगी रमेश रसाईली रहेका थिए । साँकृतिक कार्यक्रममा राजन भुजेल बिश्वकर्मा, कुलेन्द्र बिक, सुजन बराईली, प्रकाश सपुत, रबि ओड, हेमन्त कान्छा रसाईली लगायत कलाकारहरुको प्रस्तुती रहेको थियो ।

उक्त कार्यक्रममा मिडिया संयोजकको रुपमा पत्रकार प्रकाश बराईली ”अभिब्यक्ती” रहेका थिए । कार्यक्रममा कलाकार र पत्रकारहरुको बाक्लो उपस्थिती रहेको थियो । दर्शकहरुको बाक्लो चाप र पत्रकारहरुको बाक्लो उपस्थितीले गर्दा आयोजक पक्षले खुसी ब्यक्त गर्दै आभार प्रकट गरेका थिए ।