Breaking News
Home / Entertainment / सलमानलाई नेपाल ल्याउँछु भनेर ठग्ने ओडिसीका म्यानेजर रविन केसी पनि समातिए

सलमानलाई नेपाल ल्याउँछु भनेर ठग्ने ओडिसीका म्यानेजर रविन केसी पनि समातिए

२९ असार, काठमाडौं । भारतीय अभिनेता सलमान खानसहित अन्य भारतीय कलाकारहरुलाई काठमाडौं ल्याउने भन्दै ‘दब्याङ टुर’ आयोजना गर्ने भनेर टिकट विक्री गरी ठगेको आरोपमा ओडिसी इन्टरटेनमेन्टका म्यानेजर रविन केसी पनि पक्राउ परेका छन् ।

महानगरीय अपराध अनुसन्धान महाशाखाको टोलीले केसीलाई पक्राउ गरेको हो । कम्पनीका प्रमुख सिमान्त गुरुङ पनि पक्राउ परिसकेका छन् । उनीहरुलाई लाजिम्पाट क्षेत्रबाट पक्राउ गरिएको हो ।

महाशाखाका प्रमुख एसएसपी धिरजप्रताप सिंहका अनुसार उनीहरुमाथि ठगी मुद्दामा म्याद थप गरेर अनुसन्धान भइरहेको छ ।
यसअघि ‘द ब्याङ टुर’ टाइटलमा कार्यक्रम आयोजना हुने भन्दै करिब ५ हजार टिकट विक्री गरिएको थियो ।

जसमा नायिका सोनाक्षी सिन्हा, प्रभू देवा, मनिष पल लगायतका कलाकारहरु पनि सहभागी हुने बताइएको थियो ।

उक्त कार्यक्रम गत वर्ष फागुन २६ गतेका लागि तय गरिएको थियो । तर, विप्लव माओवादीको धम्कीका कारण स्थगित भयो । त्यसपछि आयोजक ओडीसी इन्टरनेसनले गुपचुपरुपमा कार्यक्रमको नयाँ मिति २ जेठका लागि तोकेको थियो ।

यद्यपि, सलमान खान कालो हरिण शिकारको मुद्दामा ५ वर्षका लागि जेल गएपछि कार्यक्रम अनिश्चित भएको थियो । गुरुङले यसअघि सन् २०१३ मा पनि यूकेको चर्चित ब्याण्ड डिप पर्पल ल्याउने भन्दै पैसा उठाएका प्रहरीको भनाइ छ । तर, त्यसपटक पनि उक्त ब्याण्ड नेपाल आएको थिएन ।

२०७५ असार २९ गते १८:१६ मा प्रकाशित

onlinekhabar.com बाट साभार गरिएको

About admin

Check Also

संरक्षणसँगै सिन्डिकेटः अशोक दर्जीमाथि एकाधिकार जमाउँदै टंक

मोरङ, उर्लाबारी घर भई हाल जापान बस्दै गरेका मञ्जुल मितेरीले भाइरल ब्वाई गायक अशोक दर्जीको …

Leave a Reply

Your email address will not be published. Required fields are marked *