Breaking News
Home / News / दुई करोड नक्कली रुपैयाँसहित तीन पक्राउ

दुई करोड नक्कली रुपैयाँसहित तीन पक्राउ

काठमाडौँ – दुई करोड भन्दा बढी नेपाली नक्कली रुपैयाँसहित तीन जनालाई प्रहरीले पक्राउ गरेको छ । महानगरीय प्रहरी परिसर काठमाडौँले मंगलबार साँझदेखि बुधबार बिहानसम्म गरेका अप्रेशनले तीन जनालाई पक्राउ गरेको हो।

महानगरीय प्रहरी परिसरले पक्राउ गरेको तीन जनालाई बुधबार साँझ साढे ५ बजे पत्रकार सम्मलेन गरी सार्वजनिक गर्ने जनाएको छ।

श्रोतका अनुसार पक्राउ पर्नेहरूको संख्या बढ्न सक्नेछ । अभियुक्तहरूलाई काठमाडौँका विभिन्न स्थानबाट पक्राउ गरिएको श्रोतले जनाएको छ ।

कामीरिताको २२ औं पटकको कीर्तिमानी आरोहण

काठमाडौं – आरोही कामीरिता शेर्पाले सर्वोच्च शिखर सगरमाथामा २२ पटक आरोहण गरि विश्व कीर्तिमान कायम गरेका छन् । शेर्पाले आज विहान सगरमाथाको सफल आरोहण गरेका हुन् ।

४८ वर्षीय शेर्पाले यसअघि २१ अौ‌ पटक आरोहणको आफ्नै कीर्तिमान तोडेका छन् । २१ पटक सगरमाथाको आरोहण गर्नेमा तीन जना थिए । कामीरिता सहित अापा शेर्पा र फुर्वा टाशी शेर्पाको नाममा २१ औं पटक आरोहण गरेको विश्व कीर्तिमान थियो ।

आधार शिविरबाट आरोहण थालेको चौथो दिन उनी शिखरमा पुगेका हुन्। म‌ंगलवार मौसम प्रतिकूल भइदि‌ंदा आरोहण रोकिएको थियो।

मौसमले साथ दिंदा अारोहीले धमाधम सगरमाथाको आरोहण गरेका छन् । सोमवार झन्डै ५० जना स्वदेशी र विदेशीले सफल आरोहण गरेका थिए भने अहिले झन्डै सय जना अनुकूल मौसमको प्रतिक्षामा रहेको आधार शिविरमा रहेका पर्यटन मन्त्रालयका सम्पर्क अधिकृत ज्ञानेन्द्र श्रेष्ठले जानकारी दिए।

सोलुखुम्बुको थामे गाउँमा जन्मिएका शेर्पाले २४ वर्षको उमेरमा सन १९९४ मा पहिलो पटक सगरमाथाको सफल आरोहण गरेका थिए।

उनी २९ सदस्यीय टोलीका साथ अमेरिकन ट्राभल कम्पनीमार्फद सगरमाथाको कीर्तिमानी २२ औं पटक आरोहण गर्न सफल भएका हुन्।

२२ औं पटक सगरमाथाको आरोहण गरेका शेर्पाले भने,“कीर्तिमान कायम गर्नु मेरो लागि ठूलो उपलब्धी हो र म ज्यादै खुसी छु तर यो मेरो आफ्नो व्यक्तिगत पेशा रहेकाले बढी उत्साहीत हुँदिन।” यस पटकको सगरमाथाको आरोहण मे पहिलो साताबाट सुरु भएको हो।

nagariknews.com बाट

About admin

Check Also

मोडमा ‘ब्याक’ गर्दा दुर्घटना

सुर्खेत- तीन वर्षअघि मात्रै ट्याक खुलेको बाँकी–बाहाकोट सडक खण्डको डाङ्ग्रे मोडमा बुधबार बोलेरो जिप दुर्घटना …

Leave a Reply

Your email address will not be published. Required fields are marked *